ගෝඨාභය රාජපක්ෂ මහතාගේ ශ්‍රී ලංකා පුරවැසිභාවය අභියෝගයට ලක් කරමින් අභියාචනාධිකරණයට ගොනු කළ පෙත්සමට ලබාදුන් තීන්දුව නිශ්ප්‍රභ කරන්නැයි ඉල්ලා ගාමිණි වියන්ගොඩ සහ මහාචාර්ය චන්ද්‍රගුප්ත තේනුවර යන මහත්වරුන් ශ්‍රේෂ්ඨාධිකරණයට විශේෂ අභියාචනයක් ගොනු කර තිබේ.
එමගින් ඔවුන් පවසන්නේ පසුගිය 4 වන දා අභියාචනාධිකරණයේ සභාපතිවරයා ප්‍රමුඛ ත්‍රිපුද්ගල විනිසුරු මඩුල්ලක් විසින් සිය පෙත්සම ප්‍රතික්ෂේප කරමින් නිකුත් කළ නියෝගය නීතියට පටහැනි බවයි.
එබැවින් එම නියෝගය නිශ්ප්‍රභ කර අභියාචනාධිකරණයෙන් තමන් ඉල්ලා සිටි සහනය ලබා දෙන්නැයි පෙත්සම්කරුවෝ ශ්‍රේෂ්ඨාධිකරණයෙන් ඉල්ලා සිටිති.