ලන්ඩන් නුවර ප‍්‍රධානතම කොටි ඩයස්පෝරා ප‍්‍රධානියා වූ කවිරාජ් ශන්මුනාදන් කටුනායක ගුවන් තොටුපළට පැමිණි අවස්ථාවේ ආපසු බි‍්‍රතාන්‍ය බලා පිටුවහල් කර ඇත.
ශී‍්‍ර ලංකා හමුදාව යුද අපරාධ සිදුකළ බවට චෝදනා කරමින් ලන්ඩන් නුවර විරෝධතා මෙහෙය වූයේ ද මොහු බව හෙළි වී තිබේ.
සිය ඥාතීන් බැලීමට යයි පවසමින් කටුනායක ගුවන් තොටුපළට පැමිණි කවිරාජ් නමැත්තා ශී‍්‍ර ලංකාව විසින් ඇතුළුවීම තහනම් කළ ලේඛනයට ඇතුළත් වී තිබිණි.
හිටපු ජනාධිපති මහින්ද රාජපක්ෂ, අගමැති රනිල් වික‍්‍රමසිංහ ඇතුළු ශී‍්‍ර ලාංකික හමුදා නිලධාරීන්ට එරෙහිව ලන්ඩන් නුවරදී උද්ඝෝෂණ මෙහෙයවා ඇත්තේ ද කවිරාජ් බව වැඩිදුරටත් හෙළි වී ඇත.
කටුනායක සිට ලන්ඩන් නුවරට පිටුවහල් කළ කවිරාජ් රටින් පිටත ඊළාම් ආණ්ඩුව නමැති සංවිධානයේ කි‍්‍රයාකාරියෙකි.