මේ වන විට රටතුළ උද්ගතව ඇති භයානක තත්ත්වය පිළිබදව කල් තියා අනතුරු හැගවූ පූජ්‍ය ගලගොඩඅත්තේ ඤාණසාර හිමියන් සිරගත කර සිටිද්දී, අන්තවාදය වෙනුවෙන් පෙනී සිටි දේශපාලකයන්, ව්‍යාපාරිකයන් මෙන්ම මරාගෙන මැරෙත ත්‍රස්තවාදීන්ද මේ මොහොතේත් නිදැල්ලේ සිටින බව මාධ්‍යවේදී කුමාර චාපා බණ්ඩාර පවසයි.
මෙරට සුළුතර මුස්ලිම් ජනතාව සිංහල බෞද්ධ බහුතරයෙන් හිරිහැර සිදුවන බවට ජාත්‍යන්තරයේ ප්‍රචාරය කළ ව්‍යාජ මතවාදය හේතුවෙන් ජාත්‍යන්තරයේ උවමනාව මත ඤාණසාර හිමියන් සිරගත කිරීම සිදුවූ බවත්, මෙම ඓතිහාසික වරද නිවැරදි කිරීමට ජනාධිපතිවරයා, අගමැතිවරයා සහ ඇමති මණ්ඩලයේ වගකීම බවද හෙතෙම පෙන්වා දෙයි.