පසුගිය යුධ සමයේ මානව හිමිකම් කඩවීම් සම්බන්ධ විමර්ශනය සදහා වින්ධිතයන් ඉල්ලන්නේ ස්වාධීන ජාත්‍යන්තර අධිකරණයක් බව පාර්ලිමේන්තු මන්ත්‍රී එම්.ඒ. සුමන්තිරන් මහතා පවසයි.
ඒ මහතා මේ බව පැවසුවේ ඊයේ (29) සිවිල් සමාජ හා වෘත්තිය සමිති එකමුතුව විසින් පවත්වන ලද මහජන අපේක්ෂා, ජිනීවා යෝජනා හා රජයේ වගකීම පිළිබදව පවත්වන ලද මහජන මන්ත්‍රන සභාවට එක් වෙමිනි.
එහිදී වැඩිදුරටත් අදහස් දැක්වූ පාර්ලිමේන්තු මන්ත්‍රී එම්.ඒ. සුමන්තිරන් මහතා,
අධිකරණ කරටයුතු ස්වාධීව විය යුතුයි කියලා කවුරුත් පිළිගන්න දෙයක්. අපි කියන්නේ මේ ගැන ස්වාධීන අධිකරණ කටයුත්තක් තියෙනවා නම් ඒක අනිවාර්යෙන් ජාත්‍යන්තර අධිකරණයකි විය යුතුයි. මේකේ පාර්ශව දෙකක් ඉන්නවා. එකක් ශ්‍රී ලංකා රජය අනෙක් පාර්ශවය ලංකාව බෙදන්න හදපු කණ්ඩායක්. ඒ නිසා මේ අධිකරණය ශ්‍රී ලංකා රජය පත් කරන අධිකරණය විය නොහැකිය. යැයි වැඩිදුරටත් පැවසුවේය.