විදුලි බල මණ්ඩලයේ සභාපතිවරයා ලෙස ධම්මික පෙරේරා මහතා යෝජනා වී ඇති බව වාර්තා වෙයි. විෂය භාර අමාත්‍ය රවී කරුණානායක මහතා විසින් ධම්මික පෙරේරා මහතා වෙත එය දන්වා ඇති බව සඳහන්.
ශුර ව්‍යාපාරිකයෙකු ලෙස ප්‍රසිද්ධ ධම්මික පෙරේරා මහතා හේලීස් සමාගම,සම්පත් බැංකුව,පෑන් ඒෂියා බැංකුව,රෝයල් සෙරමික්ස් ඇතුළු සමාගම් ගණනාවක වැඩිම කොටස් හිමිකරුවෙකි.ධම්මික පෙරේරා මහතාගේ ව්‍යාපාරික ඥානය විදුලි බල මණ්ඩලයේ ප්‍රතිසංවිධානයට මනා පිටුවහලක් වනු ඇති බවයි මේ වන විට ඔහු සම්බන්ධ ඇගයුම වී ඇත්තේ.
ඒ අනුව ගරු සේවයක් ලෙස සලකා ලංකා විදුලි බල මණ්ඩලයේ සභාපති ධූරය භාර ගන්නා ලෙසයි රවී කරුණානායක මහතා ආරාධනා කර ඇත්තේ.
ධම්මික පෙරේරා මහතා මේ වන විට විදෙස්ගතව සිටින අතර මෙතෙක් ඔහු එම ආරාධනය සම්බන්ධයෙන් ප්‍රතිචාර දක්වා නැත. විශ්වාස කටයුතු ආරංචි මාර්ග සඳහන් කළේ බොහෝ විට ඔහු ලංකා විදුලි බල මණ්ඩලයේ සභාපති ධූරය භාර ගනු ඇති බවයි.
lankanewsweb.net