බ්‍රිතාන්‍යයේ සිට ක්‍රියාත්මක වන ලංකා ඊ නිව්ස් වෙබ් අඩවියේ කතෘ සදරුවන් සෙනාධිර අත්අඩංගුවට ගන්නා ලෙස හෝ ඔහුව ශ්‍රී ලංකාවට පිටුවහල් කරන ලෙසට ජනධිපති මෛත්‍රීපාල සිරිසේන මහතා එරටින් ඉල්ලා ඇතැයි පලවූ පුවත සම්බන්ධයෙන් ජනාධිපති මාධ්‍ය අංශය නිවේදනයක් නිකුත් කර තිබෙනවා.
එම නිවේදනයේ දැක්වෙන්නේ ජනාධිපතිවරයා අදාල ඉල්ලීම ශ්‍රී ලංකාවේ බ්‍රිතාන්‍ය මහ කොමසාරිස් ජේම්ස් ඩවුරිස් මහතා වෙත යොමු කර ඇති බව වාර්තා වන තොරතුරු අසත්‍ය බවයි.
ජනපති මෛත්‍රීපාල සිරිසේන මහතා හා බ්‍රිතාන්‍ය මහ කොමසාරිස්වරයා අතර පැවති හමුවේදී එවැනි ඉල්ලීමක් කර නොමැති බවද එම නිවේදනයේ වැඩිදුරටත් දැක්වේ.