අද පාර්ලිමේන්තුවේ පැවති රහස් ඡන්දයෙන් නියෝජ්‍ය කතානායකවරයා ලෙස එක්සත් ජාතික පක්‍ෂ පාර්ලිමේන්තු මන්ත්රී ආනන්ද කුමාරසිරි මහතා තේරී පත් විය.
ඔහුට හිමි වූ ඡන්ද ප‍්‍රමාණය 97කි.
ශ්‍රීලනිප විසින් ඉදිරිපත් කරන ලද මන්ත‍්‍රීනී සුදර්ශනී ප්‍රනාන්දුපුල්ලේ මහත්මිය ලබා ගත්තේ ඡන්ද 53 ක් පමණි.
එක් ඡුන්දයක් ප‍්‍රතික්‍ෂෙප විය.
විපක්ෂ නායක ආර් සම්බන්ධන් මහතා ශ‍්‍රීලනිපයේ අපේක්ෂකයාට සහය දැක්වීමට එකගතාවය ප‍්‍රකාශ කර සිටියත් පසුව ද්‍රවිඩ සන්ධානයේ මන්ත‍්‍රීවරු එක්ව සාකච්ජාවක නිරත වී ඇති අතර ඉන් පසුව ද්‍රවිඩ ජාතක සන්ධානයේ මන්ත‍්‍රිවරු සභාගැබෙන් ඉවත්වී තිබේ.
ජවිපෙ මන්ත‍්‍රීවරුන් ජන්දය ප‍්‍රකාශකිරීමෙන් වැලකී සිටියහ.