සියල්ලන්ටම කල් ඉකුත් වීමේ දිනයක් ඇති නිසා තමන්ටත් බැට් කිරීමට අවස්ථාවක් දෙන්නැයි නියෝජ්‍ය ඇමති රන්ජන් රාමනායක මහතා අගමැති රනිල් වික්‍රමසිංහ මහතාගෙන් ඉල්ලයි.
අගමැති රනිල්ට බැට් කිරීමට බොහෝ අවස්ථා ලද බවත්, දැන් සජිත්, නවීන් ආදී පිරිසටද ඊට අවස්ථාව ලබා දියු යුතු බවද හෙතෙම කියා සිටී.
“නෑ මං අවුට් නෑ.. මට ආයේ බැට් කරන්න ඕන“ කියමින් පොඩි කාලෙ සෙල්ම් කරනව වගේ හැම වෙලේම එතුමාම බැට් කරන්න ඉල්ලන එක වැරදියි. ඒක හොද මදි. එතුමම කියන්න ඕන රන්ජන් දැන් ඔයා බැට් කරන්න මම බෝල් කරන්නම් කියලා. යැයිද නියෝජ්‍ය අමාත්‍යවරයා කියා සිටියේය.
2002දී බැට් කරන්න දුන් අවස්ථාවෙන් අගමැතිවරයා සෙන්චරියක් ගසා 2004දී අවුට් වූ බවත්, 2010 දී 2015 දී වෙනත් පිතිකරුවන් ආනයනය කර පසුපෙල සෙල්ලම් කළ බවත් හෙතෙම කියා සිටියේය.
නව ක්‍රීඩකයන්ට බැට් කිරීමට අවස්ථාව ලබා දුන්හොත් සුපිරි ක්‍රිඩයන් බිහිවනු ඇති බවද රන්ජන් රාමනායක මහතා කියා සිටියේය.