මඩකලපුව දිස්ත්‍රික්කයේ වෙල්ලාවලී ප්‍රාදේශීය ලේකම් කොට්ඨාසයේ සීනවත්ත සිංහල ගම්මානයේ පාසල් භූමිය ඩෝසර් කර වෙනත් ජාතිකයන් පදිංචි කිරීමට වෙල්ලාවලි ප්‍රාදේශීය ලේකම්වරිය සූදානම් වන බව සමස්ථ ලංකා හින්දු සම්මේලනයේ සභාපති එන්.අරුන්කාන්තන් මහතා පවසනවා.
හින්දු සම්මේලනයේ දැඩි විරෝධය හේතුවෙන් මේ වන විට එම වැඩකටයුතු තාවකාලිකව නවතා තිබෙන බවත්, මේ සදහා වහාම මැදිහත් වන්නැයි දේශපාලන නායකයන්ගෙන් ඉල්ලා සිටින බවද හෙතෙම සදහන් කලා.
එම ගම්මානවල පදිංචිව සිටි සිංහල ජනතාව යුද ගැටුම් හේතුවෙන් 1990 වසරේදී ගම්බිම් හැරදා ගොස් ඇති බවත්, ද්‍රවිඩ සන්ධානය ඇතුළු අන්තවාදී පාර්ශවවලින් අහිසංක සිංහල ජනතාවගේ උරුමය රැකගැනීමට එක්විය යුතු බවද අරුන්කාන්තන් මහතා අවධාරණය කරයි.