Colombo Today Local News

රැකියාවට හැකියාවක් නැති ඉන්දියානු ඉංජිනේරුවන්ට ලෝකයේ දොර වැසෙයි

ඉන්දියාවේ මේ වන විට ,ඉංජිනේරු, උපාධිය ලැබූ ශිෂ්‍යයන් මිලියන 5 කට ආසන්න ප්‍රමාණයක් විරැකියාවෙන් සිටින බව නවතම ඉන්දීය වාර්තාවක් සදහන් කරයි. වෘත්තියට අදාල තාක්‍ෂණික සුදුසුකම පිළිබඳ පවතින ගැටලුකාරී තත්ත්වය හේතූවෙන් ඉංජිනේරු උපාධිය ලබා ගත්තද ලොව අන් රටවලින් එම සුදුසුකම ප්‍රතික්‍ෂේප කිරීම නිසා ඔවුනට ඉන්දියාව තූළම රැකියාවක් ලබා ගැනීමට සිදුව තිබේ.

තවද ඉන්දියාවේ මෙම ඉංජිනේරු විරැකියා ප්‍රමාණය ඇමරිකාව සහ චීනයේ ප්‍රමාණයද ඉක්මවන බව එම වාර්තාව සඳහන් කරයි. ඉන්දියාවේ ඉංජිනේරු උපාධිය ලබා දෙන ආයතන 1,511 ක් ඇති අතර ඒවායේ උපාධිය කිසිදු ගුණාත්මකභාවයකින් සහ වර්තමාන තත්ත්වයනට නොගැලපෙන බව මේ පිලිබදව අදහස් දැක්වූ විදේශීය සමාගම් නිළධාරීන් සඳහන් කර ඇති බවද එම වාර්තාව වැඩිදුරටත් සදහන්කර තිබේ.

මේ අතර ශ්‍රී ලංකා රජය හා ඉන්දියානු රජය අතර අත්සන් තැබීමට නියමිත ඉන්දු – ලංකා ECTA වෙළද හා සේවා ගිවිසුමෙන් නාවික හා තොරතුරු තාක්ෂණ ක්ෂේත්‍රය සදහා ඉන්දියානු වෘත්තියන්ට ලංකාවට පැමිණීම සදහා ඉඩ ලැබෙන බව රජය ප්‍රකාශ කර ඇති අතර ඉදිරියේදී අනෙකුත් ක්ෂේත්‍රද විවෘත කිරීම පිළිබදව සලකා බැලෙන බවද සදහන් කර ඇත.

මෙලෙස ඉන්දියානුවන්ට ශ්‍රී ලංකාවේ රැකියා සදහා ඉඩකඩ විවෘත කිරීම තුළින් ශ්‍රී ලංකාවේ ඉංජිනේරු ක්ෂේත්‍රයට දැඩි බලපෑමක් එල්ල වන බව වෘත්තීය අංශ මේවනවිටත් අනතුරු අගවා තිබෙන අතර දැඩි විරෝධයද දක්වා තිබෙනවා.

Related posts

වටරැක බන්ධනාගාරයේ පලා ගිය සිරකරුවන්ට නිවේදනයක්

colombotoday

තුන්වේල කන්න පුළුවන් එක්සත් ජාතික පක්ෂ ආණ්ඩුවකට විතරයි – රනිල්

colombotoday

පාර්ලිමේන්තුව තහනම් කළ යුතු තවත් මන්ත්‍රීවරු ඉන්නවා

colombotoday

කොවිඩ් ආසාදනයවී ප්‍රතිකාර ලබා නිවෙසට ඒමට සිටි පුද්ගලයෙකු මිය යයි

colombotoday

තඹ කම්බි ගන්න දුම්රියේ වයර් කැපූ අයෙක් අත්අඩංගුවට

colombotoday

සියලු විශ්වවිද‍්‍යාල අද සිට යළි විවෘතයි

colombotoday