මහනුවර ප්‍රදේශයෙහි මේ වන විට ඉතාමත් සාමකාමී තත්ත්වයක් ඇති වී තිබෙන නිසා අතිරේකව යොදවා සිටින පොලිස් නිලධාරීන් ඉදිරි දිනවලදී ක්‍රම ක්‍රමයෙන් ඉවත් කරන බව පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා සඳහන් කළේය.
මීට අමතරව පොලීසියේ සහායට යොදවා සිටි නාවික හමුදා සහා ගුවන් හමුදා භට පිරිස් ඉවත් කිරීමට කටයුතු කර තිබෙන බවද පවසා සිටියේය.
ගුවන් හමුදා සහා නාවික හමුදා බට පිරිස් ඉවත් කළත් ඒ වෙනුවට යුද හමුදාව යෙදවීමට කටයුතු කළ බවද හමුදා මාධ්‍ය ප්‍රකාශක බ්‍රිග්‍රේඩියර් සුමිත් අතපත්තු මහතා සඳහන් කළේය.
මහනුවර ප්‍ර‘දේශයේ ආරක්ෂාව සඳහා නාවික හමුදා සාමාජිකයන් 600ක්, ගුවන් හමුදා සාමාජිකයන් 60ක් හා යුද හමුදා සාමාජිකයන් 2500ක් යොදවා සිටි බවත් නාවික හා ගුවන් හමුදා සාමාජිකයන් 660 දෙනා ඉවත් කිරීමට සාපේක්ෂව යුද හමුදා සාමාජිකයන් 660ක් අනුයුක්ත කර තිබෙන බවද පවසා සිටියේය.
ප්‍රදේශය තුළ සාමකාමී තත්ත්වයක් ඇතිවී තිබෙන නිසා ඔවුන් පොලිස් රාජකාරී කටයුතුවලට සහාය දීමට හා වෙනත් අවශ්‍යතාවන් සඳහා යොදවා සිටින බවද සඳහන් කළේය.