තමන් කියන දේ ඉහළ නායකත්වය නොදැකීම හේතුවෙන් තමන් දුකට පත්ව ඇතැයි විදේශ කටයුතු රාජ්‍ය ඇමති වසන්ත සේනානායක මහතා පැවසීය සිටියේය. මනම්පිටියේ පැවැති උත්සවයකට (11දා) එක්වෙමින් අමාත්‍යවරයා මේ බව පැවැසීය.
“මේ රටේ හැමෝම ජීවත් වෙන්නේ ශ්‍රී ලාංකිකයන් කියන අනන්‍යතාව මතයි. මේ අයුරින් කිසිදු ජාති භේදයකින් තොරව සමගියෙන් එකිනෙකාට උපකාර කරගෙන ජීවත් වීමෙන් රටක් ගොඩනගන්න පුළුවන්. ඒ වගේම සංවර්ධන ප්‍රතිලාභවලින් තමයි ආර්ථිකය ගොඩගන්න පුළුවන් වෙන්නේ. මේ නිසා හැම කෙනෙකුටම වගකීමක් තියෙනවා අනෙකා ගැන හිතන්න.
ඒ සඳහා මට කරන්න පුළුවන් හැම දෙයක්ම මම කරනවා. මේ සඳහා මා දක්වන කැපවීම ඉහළ නායකත්වය නොදැකීම පිළිබඳව මට ඇත්තේ කනගාටුවක්. මේ ප්‍රදේශවල ජීවත් වන බොහෝ පිරිසක් මුහුණ දෙන ගැටලු පිළිබඳ මට හොඳ අවබෝධයක් තියෙනවා. ඒවා පිළිබඳව මම පක්ෂ නායකයන් දැනුවත් කළත් ඔවුන්ට කාගෙන්වත් සැලකිල්ලක් ලැබෙන්නේ නැහැ.” යැයි ද පවසා සිටියේය.