කිසිසේත්ම අගමැති ධුරය බාර නොගැනීමට මහින්ද රාජපක්ෂ මහතා තීරණය කර තිබේ.
හිටපු ජනාධිපති මහින්ද රාජපක්ෂ මහතාට අගමැති ධුරය බාරගන්නැයි ආරාධනා කල බවට පලවන මාධ්‍ය වාර්තා සම්බන්ධයෙන් අදහස් දක්වමින් හිටපු ජනාධිපතිවරයාගේ අතිශය සමීපතමයෙකු ‘ලංකා සී නිව්ස්’ වෙබ් අඩවියට ඒ බව පවසා ඇත.
හිටපු ජනාධිපතිවරයා විසින් කිසිසේත්ම පිං අගමැතිකම් බාර නොගනු ඇති බව එම වෙබ් අඩවිය අවධාරණය කර සිටියි.
ඊයේ පැවති මැතිවරණය පළාත් පාලන මැතිවරණයක් මිස පාර්ලිමේන්තුවේ අගමැතිවරයා තෝරන මැතිවරණයක් නොවන නිසා එවැනි ස්ථාවරයක් ගෙන ඇතිබව එම වෙබ් අඩවිය පවසයි.
කෙසේවුවද දැන් විපක්ෂ නායක ධුරය ඒකාබද්ධ විපක්ෂයට හිමිවිය යුතුබව හිටපු ජනාධිපති මහින්ද රාජපක්ෂ මහතාගේ ස්ථාවරය වී ඇති බව එම වෙබ් පුවතේ වැඩිදුරටත් සඳහන් වේ.