Colombo Today Local News

ශ්‍රී ලාංකික අපි මියන්මාර් බෞද්ධ ජනතාව සමගයි !

මියන්මාරයේ (බුරුමයේ) රඛයින් පළාතේ ඇතිව ඇති තත්ත්වය පිළිබඳ අන්තර්ජාතික මාධ්‍ය සහ අන්තවාදී කණ්ඩායම් මුල්වී සිදුකරන අසත්‍ය ප්‍රචාර හේතුවෙන් මියන්මාර බෞද්ධ ජනතාවට සිදුව ඇති අසාධාරණය පිළිබඳ කනගාටුවන බව ශ්‍රී ලංකාවේ මියන්මාර තානාපති හමු වූ විශ්වවිද්‍යාල ආචාර්යවරු සහ ජාතික සංවිධාන නියෝජිතයන් දැනුම් දී තිබේ.

අද (13දා) සවස සිදුවූ මෙම හමුවේදී මියන්මාර බෞද්ධ ජනතාව සමග ශ්‍රී ලාංකේය බෞද්ධ ජනතාව අත්වැල් බැඳ ගන්නා බවද ඔවුන් පවසා ඇත. පසුගියදා ශ්‍රී ලංකාවේ මියන්මාර තානාපති කාර්යාලය ඉදිරිපිට යම් කණ්ඩායමකගේ අශෝභන හැසිරීම පිළිබඳ ශ්‍රී ලාංකිකයන් ලෙස තමන් ලජ්ජාවට පත්වන බවද නියෝජිත කණ්ඩායම දැනුම් දී ඇත.

මේ අවස්ථාවේ අදහස් දක්වා ඇති ශ්‍රී ලංකාවේ වැඩබලන මියන්මාර තානාපතිවරයා පවසා ඇත්තේ අන්තර්ජාතික මාධ්‍ය සහ සමාජ ජාලාවල පළ වූ ඇතැම් ජායාරූප මීට දශයකට පමණ පෙර වෙනත් රටවලදී පවා ලබාගත් ඒවා බවත්, මෙය බෞද්ධ විරෝධී කුමන්ත්‍රණයක් බවත්ය.

මියන්මාර ජනාධිපතිවරයාට යැවීම සඳහා විශේෂ ලිපියක් ජාතික විශ්වවිද්‍යාල ආචාර්ය සංගමය තානාපතිවරයාට භාරදී ඇත. මාදුරුඔය ධම්මිස්සර හිමි, රියර් අද්මිරාල් සරත් වීරසේකර, ආචාර්ය චන්න ජයසුමන, විශේෂඥ වෛද්‍ය අශෝක කමලදාස, ශ්‍රී ලංකා මියන්මාර මිත්‍රත්ව සංගමයේ සභාපති කුමාර සේමගේ ඇතුළු පිරිසක් මෙම අවස්ථාවට සහභාගී වී තිබේ.

 

Related posts

ඉතිහාසයේ මුල්වරට කතානායක පුටුව පෙරළි බිම වැටෙයි.. ආණ්ඩුවට අසුභ නිමිත්තක් !!

colombotoday

කොමිසම් නෙමෙයි වැදගත් මිනිස්සුන්ට ආරක්ෂාව ලබා දීමයි -අධිකරණ ඇමති

colombotoday

විජේවීර හා මාක්ස්වාදය අතහැර බුදු මගට පිලිපන් විප්ලවවාදියා..!!!

colombotoday

DIG ලතීෆ්, STF අණදෙන නිලධාරී තනතුරට පත්කිරීම නීති විරෝධීයි !

colombotoday

එල්ලා මරණ දිනය සහ එල්ලන වරදකරුවා තීරණය කර අවසන්…

colombotoday

යාපනයේ තාවඩි ගම්මුන්ට නිවාස වලින් පිටතට යාම තහනම් කරති

colombotoday