මියන්මාරයේ මුස්ලිම් සංහාරයක් සිදුවන්නේ යැයි පවසමින් ඊට එරෙහිව අද දිවයිනේ ප්‍රදේශ කීපයක විරෝධතා ව්‍යාපාර පැවැත් වුණි.
අද දහවල් ජුම්මා ආගමික වතාවත් නිමවීමෙන් අනතුරුව උතුරු- නැගෙනහිර දෙපළාතේත් කොළඹ දිස්ත්‍රික්කයේත් මුස්ලිම් ජනතාව තම දේවස්ථාන අසළ වීදිවලට බැස විරෝධතා පුවරු ප්‍රදර්ශනය කරමින් විරෝධතාවේ නියැලුනි.
නැගෙනහිර පළාතේ පැවති උද්ඝෝෂණයකදී මියන්මාරයේ නායිකා අවූන් සන් සුකී ගේ අනුරුවකට ද ගිනි තබා ඇත. සිදුවන මුස්ලිම් සංහාරය නතර කිරීමට මියන්මාර රජයට බලපෑම් කරන ලෙස ජනධිපතිවරයාගෙන් සහ අගමැතිවරයාගෙන් මෙහිදී විරෝධතා කරුවන් ඉල්ලා ඇත.
මියන්මාරයේ මුස්ලිම් ජනතාවට එරෙහිව සංහාරයක් සිදුවන බවට පළවෙන පුවත් මුළුමනින්ම සාවද්‍ය බවත්, එම පුවත් ප්‍රචාරය කරන්නේ රොහින්ග්‍යා ත්‍රස්ත හිතවාදීන් බවත් මියන්මාර් නායිකා අවුන් සාන් සූඛී ප්‍රකාශ කර තිබිණී.