භික්‍ෂු සමාජය තුළ මෙන්ම සිංහල බෞද්ධ සමාජය තුළ වර්තමානයේදී යම් අසහනකාරීත්වයක් උද්ගතව ඇත්තේ රටේ නීතිය පොදු සාධාරණ ක‍්‍රමවේදයකට අනුව ක්රියාත්මක නොවීම නිසා බව ශ්‍රී ලංකා රාමඤ්ඤ මහා නිකායේ මහා නායක අති පූජ්‍ය නාපාන පේමසිරි මහා නාහිමියන් ප්රකාශයක් නිකුත් කරමින් කියා සිටී.
ඊට පසුබිම් වූ එම හේතු නොසලකා භික්‍ෂූන් වහන්සේ හා බෞද්ධ ජනතාව අන්තවාදීන් ලෙස මුද්‍රා තැබීමට ඇතැමුන් ගන්නා උත්සාහයන් පිළිකුලින් යුතුව හෙළා දකින බවත් රාමඤ්ඤ මහා නාහිමියන් අවධාරණය කරයි.
ජාතික හා සාසනික ගැටලූ හමුවේ ඇතැම් සංවිධාන ක‍්‍රියාකළ අපරිණත ස්වරූපය නිසා ද බුදු සසුනට හානියක් වූ බව එම ප්‍රකාශයේ දැක්වෙයි.
මෑත කාලීන ආණ්ඩු බුද්ධ ශාසනය සම්බන්ධයෙන් තම වගකීම පැහැර හැරීම නිසා බෞද්ධ ජනතාව මහත් කනස්සල්ලට පත්ව සිටින බවද, මහා සංඝරත්නයේ අදහස් වලට අවනතව කටයුතු කිරීම රජයේ වගකීම බවද මහා නාහිමියෝ අවධාරණය කර සිටිති.
චෝදනා නැගීම සහ පැලැස්තර විසදුම් යෙදීමෙන් වැළකී බුද්ධ ශාසන කොමිසන් සභා වාර්තාවේ දැක්වෙන නිර්දේශ වහාම ක්රියාත්මක කරන්නැයිද උන්වහන්සේ රජයට අවධාරණය කර සිටී.
[fbvideo link=”https://www.facebook.com/sinhaputhunnew/videos/1477104012327872/” width=”500″ height=”400″ onlyvideo=”1″]