සුනාමි තත්ත්වයක් නැවත ඇති වේ යැයි බිය වී ගාල්ල නගරය හා අවට ප්‍රදේශ ඊයේ (8) පාළු ස්වභාවයක් ගත්තේය. වෙනත් පෝය දිනයක දී වුව ද ජනයාගෙන් පිරී පවතින ගාල්ල නගරය අද ජනශුන්‍ය තත්ත්වයක් ගෙන තිබිණි. කතරගම පුද බිමේද ඉතා අඩු ජන සහභාගීත්වයක් දක්නට ලැබී ඇත.
8-9 දෙදින තුල මහා දරුණු අපලයක් පවතින නිසා නිවස්වලින් බැහැරට නොයන්නැයි කරන ලද බොරු ප‍්‍රචාරය හේතුවෙන් මේ තත්ත්වය උදා වී ඇත. හිටපු රාජ්‍ය නායකයෙකුට සමීපව කටයුතු කළ රාජකීය දෛවඥයා යැයි හදුන්වාගත් පුද්ගලයෙක් ප්‍රකාශ කළ අනාවැකියක් මෙය මුල් වී ඇති බවද පැවසේ.