බොදු බල සේනා මහ ලේකම් පූජ්‍ය ගලගොඩඅත්තේ ඥාණසාර හිමියන් දුටු තැන අත්අඩංගුවට ගැනීම සදහා ආණ්ඩුවේ ඉහළම තැනකින් නියෝග ලැබී ඇති බව පොලිස් ආරංචි මාර්ග පවසයි.
දෙසීයක පමණ පොලිස් බලඇණියක් යොදවා ඊයේ (21) කුරුණෑගල කොස්කැලේ ප්‍රදේශයේදී ඥාණසාර හිමියන් අත්අඩංගුවට ගැනීමට දැරූ උත්සාහය එම ස්ථානයට රැස්වූ පිරිසගේ විරෝධය හේතුවෙන් වැළකී ගොස් තිබුණා.
ඥාණසාර හිමියන්ට එරෙහිව කිසිදු චෝදනාවක් ඉදිරිපත් නොකර නීතිමය ක්‍රියාවලියට පිටින් උන්වහන්සේ අත්අඩංගුවට ගැනීමට සැරසෙන්නේ සෞදිය සහ මුස්ලිම් ඇමතිවරු සතුටු කිරීමට යැයි බොදු බල සේනා නියෝජිතයෙකු අදහස් දක්වමින් පැවසීය. මෙය එළිපිටම සිංහල බෞද්ධ බලවේගවලට එරෙහිව රාජ්‍ය ත්‍රස්තවාදය මුදාහැරීමක් බවද ඔහු සදහන් කළේය.
ඥාණසාර හිමියන් අත්අඩංගුවට ගැනීම හරහා රටතුළ ගැටුම්කාරි තත්වයක් ඇති කර සිංහල බෞද්ධ තරුණයන් බිල්ලට ගැනීමේ කුමන්ත්‍රණයක් ආණ්ඩුවේ මුස්ලිම් ඇමතිවරුන් පස් දෙනෙකු විසින් දියත් කර ඇති බවත්, ඒ සදහා දැවැන්ත මුදලක් ඔවුන් වෙත ලැබී ඇති බවත් ඔහු සදහන් කළේය.