මීතොමුල්ල කුණුකන්දේ කොටසක් කඩා වැටිමෙන් මියගිය සංඛ්‍යාව මේ වන විට 10 ක් දක්වා ඉහළ ගොස් තිබේ. තවත් හත් දෙනකු කොළඹ ජාතික රෝහලේ ප්‍රතිකාර ගන්නා බව රෝහල් ආරංචි මාර්ග පවසයි.
ඊයේ (14) පස්වරුවේ මීතොටමුල්ල කුණු කන්ද කඩාවැටීමෙන් දහම්පුර ප්‍ර දේශයේ නිවාස 100කට ආසන්න සංඛ්‍යාවක් යට විණි. විපතට පත්වූවන් බේරා ගැනීම සදහා ආරක්ෂක අංශ ඊයේ රාත්‍රිය පුරාද විශේෂ මෙහෙයුමක් දියත්කර තිබිණි.
මේ අතර කුණු කන්ද කඩා වැටීමෙන් පසු එම ස්ථානයේ කාර්යන් සදහා යොදවා තිබූ බැකෝ යන්ත‍්‍ර දෙකකට කෝපයට පත් ප‍්‍රදේශවාසීන් ගිනි තබා තිබේ. සිද්ධිය වූ ස්ථානයට ගිය ඇමති ඒ.එච්.එම්. ෆවුසි මෙන්ම ප‍්‍රාදේශීය දේශපාලඥයින් කිහිප දෙනෙකුටම ජනතාව විසින් බැණ වැදී පන්නා දමා ඇත.
ඔවුන් චෝදනා කරන්නේ තම ඥාතීන් පණ ඇතිව හෝ නැතිව මෙම කුණු කන්දට යටවී සිටින බවයි
