කින්නියා පොලිස්‌ බල ප්‍රදේශයේ අල්වා නගර් අල් ඉර්ෂාන් විද්‍යාලයේ ළිඳක තිබී පෞරාණික පිළිම කීපයක්‌ පෙරේදා (3 දා) ත්‍රිකුණාමලය කොට්‌ඨාස දූෂණ මර්දන අංශයේ නිලධාරීන් විසින් සොයාගෙන ඇත.
බුදු පිළිමයක්‌, සීවලී පිළිමයක්‌, ඇත්රූපයක්‌, ගව පිළිම දෙකක්‌ හා කඩුවක්‌ මේ ගොඩගත් භාණ්‌ඩ අතර වේ. මේවායේ කාලය නිර්ණය කිරීම සඳහා භාණ්‌ඩ සියල්ල පුරාවිද්‍යා දෙපාර්තමේන්තුවට යොමු කරන බව පොලිසිය සඳහන් කරයි.
ළිඳ ඉසීමට යැමේදී මෙම භාණ්‌ඩ හමුවී ඇත. පිළිම හමුවීම පිළිබඳව ත්‍රිකුණාමලය කොට්‌ඨාස භාර ජ්‍යෙ. පො.අධිකාරි ජගත් චන්ද්‍රකුමාර මහතාට විදුහල්පතිවරයා විසින් දැනුම්දීමෙන් පසු පොලිසිය පැමිණ භාණ්‌ඩ ගොඩගෙන ඇත.