පසුගිය 2016 වසර තුළ දී මෙරටට රථ වාහන ආනයනය කිරීම වෙනුවෙන් දැරූ වියදම ඇමරිකානු ඩොලර් මිලියන 794.8 ක් ලෙසින් වාර්තා වේ. ශ්‍රී ලංකා මහ බැංකුවේ ආර්ථික පර්යේෂණ දෙපාර්තමේන්තුව විසින් ප්‍රකාශයට පත්කරන ලද 2016 දෙසැම්බර් මාසය සඳහා වන විදේශීය අංශයේ ක්‍රියාකාරීත්වය පිළිබඳ වාර්තාවහි මේ බව සඳහන් වේ.
මේ අතර 2015 වසරේ දී රථ වාහන ආනයන වෙනුවෙන් දරා තිබෙන වියදම ඇමරිකානු ඩොලර් මිලියන 1,359.6 ක් ලෙසින් වාර්තා වන අතර ඒ අනුව 2015 වසරට සාපේක්ෂව 2016 වසරේ දී රථ වාහන ආනයන වියදම සියයට 41.5 කින් පහළ ගොස් තිබේ.
තවද 2016 දෙසැම්බර් මාසය තුළ ඩොලර් මිලියන 58.3 ක් රථ වාහන ආනයන සඳහා වියදම් කර ඇති අතර 2015 වසරේ දෙසැම්බර් මාසයේ රථ වාහන ආනයන වියදම වූ ඩොලර් බිලියන 65.7 හා සැසඳීමේ දී මෙය සියයට 11.2 ක පහළ යාමකි.
adaderana Biz