කොළඹ යශෝධරාදේවි බාලිකා විද්‍යාලයට තවත් සිසුන් පිරිසක් සමග පැන තිදෙනකුට පහරදී ආරක්ෂක කුටියට හා ප්‍රධාන දොරටුවට හානි කළැයි අත්අඩංගුවට පත් කොල්ලුපිටිය මහානාම විද්‍යාලයේ 12 වැනි වසරේ සිසුවා ලබන 31 දක්වා රිමාන්ඩ් කිරීමට කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා අද (22) නියෝග කළේය.
යශෝධරා දේවි බාලිකා විදුහලේ විදුහල්පතිනිය කළ පැමිණිල්ලක් මත ගොතටුව පදිංචි එම සිසුවා කුරුඳුවත්ත පොලිසිය මගින් අත්අඩංගුවට ගනු ලැබීය.
කොළඹ මහානාම විදුහලේ සිසුන්, ආදි සිසුන් සහ තවත් පිරිසක් බලහත්කාරයෙන් කොළඹ යශෝධරා බාලිකා විදුහලට කඩා පැනීම නිසා එහි ඉතා උණුසුම් තත්තවයක් ඇතිවිය.
මහානාම විදුහල හා ඞී.එස්. සේනානායක විදුහල අතර පැවැත්වීමට නියමිත මහා ක‍්‍රිකට් තරගයට සමගාමීව පවත්වන ලද රිය පෙරහරක් අතරතුරු මෙම සිසුන් පිරිස බාලිකා විදුහලට කඩා පැන ඇති අතර එම විදුහලේ ගුරුවරුන් හා දෙමාපියන් පවසන්නේ අදාල සිසුන් පිරිස මත් ගතියකින් සිටිනු දුටු බවයි.
Like