විල්පත්තු රක්ෂිත මායිමේ වනාන්තරවල ජනපදි ඉදිකිරීමෙන් විනාශ වූ ගස් වෙනුවනට විල්පත්තුවේ සිට මන්නාරම දක්වා මාර්ග දෙපස පැළ සිටුවීමේ වැඩසටහනක් අද කර්මාන්ත හා වාණිජ කටයුතු අමාත්‍ය රිෂාඩ් බදුර්දීන්ගේ ප්‍රධානත්වයෙන් සිලාවතුර මරිච්චිකට්ටි පැරණි මුස්ලීම් දේවස්ථානය අසලින් ආරම්භ කෙරණි.
මන්නාරම සිට පුත්තලම් මාර්ගයේ දෙපස මහෝගනී පැළ ලක්ෂයක් සිටුවීමට නියමිත අතර එහි ප්‍රථම අධියර වශයෙන් ප්‍රථම දිනයේ පැළ 3000 සිටුවීම සිදුකෙරෙන බවයි පැවසෙන්නේ.
බදුර්දීන් ඇමතිවරයාගේ මැදිහත්වීමෙන් විල්පත්තු උතුරු මායිමේ රක්ෂිත වනාන්තර අක්කර 1700කට වැඩි ප්‍රමාණයක් මේ වන විට විනාශ කර ඇති අතර, ජාතිවාදී ජනපද කලාපයක් එහි ඉදිකර ඇත. මේ වන විටත් එම ව්‍යාපෘතියේ ඉදිරි කටයුතු සිදු කෙරෙන අතර වන සංහාරය තවමත් සිදු වෙමින් පවතී.