මාලඹේ සයිටම් පෞද්ගලික වෛද්‍ය විද්‍යාලයේ ප්‍රධාන විධායක නිලධාරී වෛද්‍ය සමීර සේනාරත්න ගමන් ගත් මෝටර් රථයට ඊයේ රාත්‍රියේ වෙඩි ප්‍රහාරයක් එල්ලවී තිබෙනවා.
ඔහු ඊයේ රාත්‍රියේ සිය නිවස බලා යමින් සිටියදී මාලඹේ නෙවිල් ප්‍රනාන්දු රෝහල ආසන්නයේ චන්ද්‍රිකා කුමාරතුංග මාවතේ දීයි මෙම වෙඩි ප්‍රහාරය එල්ලවී තිබෙන්නේ.
කෙසේ වෙතත් එම වෙඩි ප්‍රහාරයෙන් වෛද්‍ය සමීර සේනාරත්නට හානි සිදුවූයේ නැහැ. ඔහුගේ මෝටර් රථයේ වෙඩි ප්‍රහාර 4ක් දක්නට ලැඛෙන බවයි පොලීසිය පවසන්නේ.
මුහුණු ආවරණය වන ආරක්ෂිත හිස්වැසුම් පැළඳ යතුරු පැදියකින් පැමිණි දෙදෙනෙකු වෙඩි තැබීම සිදුකර ඇති බවද වෛද්‍යවරයා පොලීසියට පවසා තිබෙන අතර, සිද්ධිය වූ ස්ථානය ආසන්නයේ ගොඩනැගිලිවල සී සී ටී වී දර්ශන ඔස්සේ පරීක්ෂණ ආරම්භ කර ඇත පොලීසිය පවසයි.