මෙරට මුස්ලිම් ජනතාව ඉදිරියේ ඇති අභියෝග හා ඔවුන් වර්තමානයේ මුහුණ පා ඇති තත්ත්වයන් පිළිබදව රජයේ මුස්ලිම් ඇමතිවරුන් පිරිසක් සෞදි අරාබි රජය දැනුවත් කර ඇත.
සෞදි අරාබියේ මුස්ලිම් කටයුතු පිළිබද අමාත්‍යවරයාගේ විශේෂ උපදේශක අබ්දුල් අසීස් බින් අබ්දුල්ලාහ් අල් අමර් ඇතුළු දූත කණ්ඩායමක් මෙරට තැපැල් සේවා සහ මුස්ලිම් ආගමික කටයුතු අමාත්‍ය එම්.එච් . අබ්දුල් හලීම් හමුවී තිබෙන අතර අදාළ ගැටළු සම්බන්ධයෙන් එම අවස්ථාවේදී ඔවුන් දැනුවත් කර ඇත.
ඉදිරියේ මෙරට දී පැවැත්වීමට යෝජීත ඉස්ලාමීය සමුළුව සම්බන්ධයෙන් මෙන්ම දැනට ලබාදෙනු ලබන හජ් කෝටාව තවදුරටත් වැඩිකර ගැනීම සම්බන්ධවත් එහිදී දීර්ඝ වශයෙන් සාකච්ඡා ලක් කර තිබේ.
එම අවස්ථාව සඳහා ජාතික ඒකබද්ධතා හා ප්‍රතිසන්ධාන රාජ්‍ය අමාත්‍ය ඒ.එච්.එම්. ෆවුසි ඇතුළු පිරිසක් එක්ව තිබේ.