අයිසිස්‌ ත්රස්තයන් මුළුමනින්ම විනාශ කර දමන බව රුසියානු ජනාධිපති ව්ලැඩ්මීර් පුටින් ප්‍රකාශ කර ඇත. රුසියානු තානාපතිවරයා ඝාතනය කිරීමේ ප්‍රතිඵලය කුමක්‌දැයි අයිසිස්‌ ත්රස්තයන් දැනගත යුතු බවද ඔහු කියා සිටියේය. මෙම ඝාතනය ගැන ඇස්‌කරා නුවරට ගිය රුසියානු පරීක්‍ෂක කණ්‌ඩායමක්‌ විමර්ශන අරඹා ඇති බවද හෙතෙම තවදුරටත් පළ කළේය. මෙකී ඝාතනය සිදු කිරීමට නියෝග දුන්නේ කවුද කියා අපි සොයාගත යුතු බවද රුසියානු ජනාධිපතිවරයා සඳහන් කර ඇත.
මේ අතර මෙලමුට්‌ මර්ටි නමැති විශේෂ බළකා භටයා තුර්කි ජනාධිපති අර්බෝගන්ගේ පක්‍ෂයේ ක්‍රියාකාරිකයකු බව පරීක්‍ෂණවලින් හෙළි වී තිබේ.
ඔහුගේ පාදවලට වෙඩි කීපයක්‌ එල්ල කර බිම දැමීමෙන් පසු තුර්කි පොලිසිය ඔහුව අල්ලා නොගෙන වෙඩි තබා මරා දැමීම ගැන බරපතළ සැකයක්‌ මතු වී ඇත.