හම්බන්තොට වරාය පරිශ්‍රය චීනයට බදු පදනම මත ලබාදීමේදී වරායට අයත් හෙක්ටයාර 2000ක භූමියක් චීනයට බදු පදනම යටතේ හිමිවන බවත් එසේම වරාය ගොඩකරමින් ඉදිකළ අක්කර 110ක නගරයක්ද නොමිලයේම වරාය බදු මත ලබාගන්නා සමාගමට පැවැරීමට රජය කටයුතු කර ඇතැයි පාර්ලිමේන්තු මන්ත්‍රී නාමල් රාජපක්ෂ මහතා කියයි.
‘අද’ පුවත්පතට සෑම බදාදා දිනකම මන්ත්‍රීවරයා ලියන කුරහන් සුවද තීරු ලිපියෙන් මන්ත්‍රීවරයා මේ බව අද (14දා) හෙළි කර තිබේ. ඔහුගේ ලිපියේ මෙසේද සඳහන් වෙයි.
“වරාය භූමියට හෙක්ටයාර 2000ක් අයත් වෙයි. එමෙන්ම වරාය ගොඩකරමින් ඉදිකළ අක්කර 110ක නගරයක් තිබේ. ආණ්ඩුව වරාය භූමිය පැවරීමෙන් පසු ඒ සමග අලුතෙන් තැනූ අක්කර 110ක සමස්ත භූමියද චීන සමාගමට හිමිවෙයි. එමෙන්ම අධික වටිනාකමකින් යුත් වරායක්, එය ඉදිකිරීමට ලබාගත් ණය මුදලට වඩා වැඩි මුදලකට විකිණීම සිදුකළද එය කරන්නේ වරායේ නියම තක්සේරු වටිනාමකට බොහෝ සෙයින් අඩු වටිනාකමක් යටතේය.”