ඇමෙරිකාවේ මීළඟ ජනාධිපති වීමට නියමිත ඩොනල්ඩ් ට්‍රම්ප් සෞදි අරාබියේ සමාගම් සමඟ කළ සියලු ගනුදෙනු නවතා දැමීමට තීරණය කර ඇතැයි වාර්තා වනවා.
කෝටිපති ව්‍යාපාරිකයෙකු වන ඔහු සෞදි අරාබියේ සමාගම් හතරක් සමග මීට පෙර ගනුදෙනු කරනු ලැබුවා.
මින් ඉදිරියට සෞදියේ කිසිදු ව්‍යාපාරයක් ආරම්භ කරන්නේ නැතැයි ද ට්‍රම්ප් පවසා තිබෙනවා.
මෙම සමාගම් පිහිටුවා තිබුණේ සෞදියේ ජෙඩා නුවර කේන්ද්‍ර කොට ගනිමින් යැයි ද වාර්තා වනවා.
ට්‍රම්ප් පවසා ඇත්තේ ඔහු මෙම තීරණය ගත්තේ ජනපති ලෙස රාජකාරි කරද්දී, අපක්ෂපාතී අයුරින් එම රාජකාරි කිරීමට සිදුවන නිසා බවයි.