බැඳුම්කර සිද්ධිය සම්බන්ධයෙන් සොයා බලන ශ්‍රී ලංකා නිදහස් පක්ෂ කණ්ඩායම නිරීක්ෂණය කළ කිසිදු ලේඛනයක අදාළ සිදුවීමට අග්‍රාමාත්‍යවරයා සම්බන්ධ බවට සඳහන්ව නොතිබූ බව මුදල් රාජ්‍ය අමාත්‍ය ලක්ෂ්මන් යාපා අබේවර්ධන මහතා සඳහන් කළේය.
පක්ෂ සභාපති ජනාධිපති මෛත්‍රීපාල සිරිසේන මහතාට වාර්තාවක් ලබාදීම සඳහා ශ්‍රී ලංකා නිදහස් පක්ෂය විසින් 09 දෙනෙකුගෙන් යුත් කමිටුවක් පත්කළ බවද හෙතෙම පවසා සිටියේය.
එම කමිටුව විසින් නිර්දේශ 06කින් යුත් කමිටු වාර්තාවක් සකස් කර තිබෙන බවත්, ඉදිරි දිනකදී එම වාර්තාව පක්ෂ සභාපති ජනාධිපති මෛත්‍රීපාල සිරිසේන මහතාට බාරදෙන බවද අද (22දා) පැවැති මාධ්‍ය සාකච්ඡාවකදී අමාත්‍යවරයා සඳහන් කළේය.
මෙම කමිටුව විසින් කොප් කමිටු වාර්තාව ඇතුළු වාර්තා කිහිපයක් සැලකිල්ලට ගත් බවද අබේවර්ධන මහතා පවසා සිටියේය.