යාපනය චුන්නාක්කම් (හුනුගම) ප්‍රදේශයේදී පසුගියදා පොලිස් නිලධාරීන් දෙදෙනෙකුට එල්ලවූ ප්‍රහාරයේ වගකීම “ආවා ගෘප්“ නමින් හැදින්වෙන කණ්ඩායම භාරගෙන තිබෙනවා.
ප්‍රහාරයේ වගකීම තමන් භාරගන්නා බව සදහන් අත් පත්‍රිකා යාපනයේ ප්‍රදේශ කිහිපයක බෙදාහැර ඇති අතර, යාපනය විශ්ව විද්‍යාලය අසලදීද මෙම පත්‍රිකා තොගයක් සොයාගෙන තිබෙනවා.
කෙසේ වෙතත් සැබෑ ලෙසම ‘‘ ආවා ’’ නම් වූ මෙම සංවිධානය විසින් ප‍්‍රහාරය සිදු කළේද නැතහොත් ඔවුන්ගේ නම භාවිත කරමින් කිසියම් පිිරිසක් මෙම පති‍්‍රකා බෙදාහැරියා දැයි මෙතෙක් අනාවරණ වී නැහැ.
සිද්ධිය සම්බන්ධයෙන් ආරක්ෂක අංශ මේ වන විට පුළුල් පරික්ෂණයක් ආරම්භ කර තිබෙනවා.
