ජනාධිපති මෛත්‍රීපාල සිරිසේන මහතා පසුගියදා කළ ප්‍රකාශය ජනතාව රැවටීමේ රංගනයක් පමණක් බවත් එය එසේ නොවේ නම් ජනාධිපතිවරයා එය ක්‍රියාවෙන් ඔප්පුකළ යුතු බවත් ගම්පහ දිස්ත්‍රීක් පාරිලිමේන්තු මන්ත්‍රී එකාබද්ධ විපක්‍ෂයේ කැදවුම්කරු ප්‍රසන්න රණතුංග මහතා අවධාරණය කරයි.
මෙවැනි ප්‍රකාශ වලින් රටේ ජනතාව තවදුරටත් රැවටිය නොහැකි බව ජනාධිපතිවරයා ඇතුළු ආන්ඩුව වටහා ගත යුතුව ඇතැයිද රණතංග මහතා පෙන්වා දෙයි.
ජා-ඇල මෙරිල් පෙරේරා මන්ත්‍රීවරයාගේ නිවසේ අද පැවති රැස්වීමකදි රණතුංග මහතා මේ බව සඳහන් කලේය.
මෙහිදි වැඩිදුරටත් අදහස් දැක්වු රණතුංග මහතා මෙසේදි කිවේය.
පහුගිය දවසක ජනාධිපතිතුමා කියලා තිබුනා FCID එක අල්ලස් කොමිසම කටයුතු කරන්නේ දේශපාලන න්‍යය පත්‍රයකට අනුව කියලා. මාවයි මගේ නෝනාවයිත් FCID කැදවලා තිබුනා අපිවත් හිරකරන්නයි හැදුවේ හැබැයි මම එකෙන් බෙරුනා .
අපි අවුරුදු 2 ක් තිස්සේ ඉදන් කියනවා:
FCID එකයි අල්ලස් කොමිසමයි වැඩ කරන්නේ දේශපාලන න්‍යය පත්‍රයකට අනුව කියලා අපි අවුරුදු 2 ක් තිස්සේ ඉදන් කියනවා. හැබැයි ජනාධිපතිතුමා මේක හදිසියේ කියන්නේ වෙන මොකවත් නිසා නෙවෙයි මේක නාට්‍යයක් අලූත් නාට්‍යයේ එක චරිතයක කොටසක් විතරයි ජනාධිපතිතුමා මේ රගපාලා වෙන්නුවේ ජනාධිපතිවරයාට මේ දේශපාලන නවත්වන්න ඔනෑනම් රටට ඒබ ව ඔප්පු කරලා පෙන්වන්න ඕනෑ
2001 යු.එන්.පී. ආන්ඩුව වෙලාවේ ජාතික ආරක්ෂාවට තර්ජනයක් වෙන විදිහට රනිල්ලා වැඩ කරද්දි චන්ද්‍රිකා මැතිනිය අමාත්‍යාංශ පවරාගෙන වහාම ආන්ඩුව විසුරුවා හැරියා.
මෛත්‍රීපාල ජනාධිපතිතුමාටත් ඇත්තටම ඕනැකමක් තියෙනවානම් මේ දේශපාලන පලිගැනීම් නවත්වන්න ඒක රටට ඔප්පු කරලා පෙන්වන්න පුලූවන්. අපි ජනාධිපතිතුමාට කියන්නේ කථාවෙන් ජනතාව ගොනාට අන්දන්නේ නැතුව ක්‍රියාවෙන් ඔප්පුකරලා පෙන්වන්න කියලා අද අපි පැහැදිලිව කියනවා.