අල්ලස් හෝ දුෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් දිල්රුක්ෂි වික්‍රමසිංහ මහත්මිය සිය ධුරයෙන් ඉල්ලා අස්වීමට තීරණය කර ඇතැයි විශ්වාස කටයුතු ආරංචි මාර්ග සඳහන් කරයි.
ඇය එසේ ඉල්ලා අස්වීමට තීරණය කර ඇත්තේ, ”අල්ලස් හෝ දූෂණ චෝදනා විමර්ශන කොමිෂන් සභාව දේශපාලන න්‍යාය පත්‍රයන්ට අනුව කටයුතු කරන්නේ නම් තමන්ටත් ඒ සම්බන්ධයෙන් තීන්දු තීරණ ගැනීමට සිදු වන බවට” ජනාධිපති මෛත්‍රීපාල සිරිසේන මහතා විසින් පෙරේදා (12) සිදු කළ ප්‍රකාශයට විරෝධය පාමිනි.
මේදිනවල නිල සංචාරයක් සඳහා මැලේෂියාවට ගොස් සිටින දිල්රුක්ෂි වික්‍රමසිංහ මහත්මිය, යලි දිවයිනට පැමිණි වහාම ඉල්ලා අස්වීමේ ලිපිය ජනාධිපතිවරයා වෙත බාරදීමට නියමිතව ඇතැයි ද පැවසේ.
‘ඇවන්ගාඩ්’ සිද්ධිය සම්බන්ධව ගෝඨාභය රාජපක්ෂ මහතා ඇතුළු හිටපු නාවික හමුදාපතිවරුන් වෙත කොමිසම මගින් නඩු පැවරීම ඊයේ ජනාධිපතිවරයාගේ දැඩි විවේචනයට ලක්විය.