ජර්මනියේ මියුනික් නුවර සාප්පු සංකීර්ණයක ඊයේ රාත්‍රියේ වෙඩි තැබිමක් සිදුව ඇති බව විදෙස් මාධ්‍ය වාර්තා කරයි.
මියුනික් නුවර ඔලිම්පියා සාප්පු සංකීර්ණයේ මෙම වෙඩිතැබීම සිදුව ඇති අතර නගර මධ්‍යයේද තවත් ප්‍රචන්ඩ ක්‍රියා සහ වෙඩි තැබීම් සිදුව ඇති බව ජර්මන් පොලීසිය උපුටා දක්වමින් විදෙස් මාධ්‍ය පවසයි.
ප්‍රහාරයෙන් මේ වන විට පුද්ගලයන් 9 දෙනෙකු මියගොස් ඇති බව හදුනාගෙන තිබෙනවා.
මෙම වෙඩිතැබීම සිදුකර ඇත්තේ ඉස්ලාමීය ත්‍රස්ත සංවිධානයක් බවට මේවන විට සැක පළව තිබෙන අතර ප්‍රහාරකයන් සොයා පොලීසිය නගරය පුරා මෙහෙයුම් ආරම්භ කර තිබෙනවා.
ප්‍රහාරයෙන් පසු මියුනික් නුවර සියළුම ප්‍රවාහන සේවා නතර කර දමා තිබෙන අතර නගර වැසියන් දැඩි භීතියට පත්ව සිටින බවයි විදෙස් මාධ්‍ය වැඩිදුරටත් වාර්තා කරන්නේ.
මේ අතර මියුනික්හී ශ්‍රී ලාංකිකයන් 600කට ආසන්න පිරිසක් පදිංචිව සිටින බව වාර්තා වන අතර විදේශ කටයුතු අමාත්‍යාංශය පවසන්නේ ප්‍රහාරයෙන් ශ්‍රී ලාංකිකයන්ට හානි සිදුවී නොමැති බවයි.
