ආරක්ෂක හමුදා විසින් කිළිනොච්චි නගරයේ ස්ථාපිත කර තිබෙන යුද ස්මාරක ඉවත් කළ යුතු බවට උතුරු පළාත් සභා මන්ත්‍රී සුබ්‍රමනියම් පසුපතිපිල්ලේ විසින් කිළිනොච්චි දිස්ත්‍රික් කමිටුවට යෝජනාවක් ඉදිරිපත් කර තිබේ.
මන්ත්‍රීවරයා විසින් මෙම යෝජනාව ඉදිරිපත් කර ඇත්තේ කොළිනොච්චි දිස්ත්‍රික් කමිටුව පසුගිය සතියේ රැස්වූ අවස්ථාවේදීය.
යුද සමයෙන් පසුව නගරය තුළ ඉදි කර තිබෙන යුද හමුදා ස්මාරක හේතුවෙන් එම ප්‍රදේශය තුළ ජීවත් වන ජනතාවට නැවත නැවතත් යුද්ධයේ කටුක මතකයන් සිහිපත් වී ඔවුන්ට යළි යළිත් අතීතය ආවර්ජනය වන බව මන්ත්‍රීවරයා පවසා ඇත.
මේ සම්බන්ධයෙන් අදහස් දක්වමින් ද්‍රවිඩ ජාතික සන්ධාන පාර්ලිමේන්තු මන්ත්‍රී එස් ශ්‍රීධරන් පවසා ඇත්තේ යුද ස්මාරක දැකීමෙන් ද්‍රවිඩ ජනයාගේ මානසික තත්වය දැඩි පීඩනයකට ලක්වන බැවින් ඒවා ඉවත් කළ යුතු බවයි. කිළිනොච්චි නගරයේ දෙමළ ජනතාව සතු භූමිය බවත් එම ඉඩම්වල සිංහල ජනතාව පදිංචි කර ඇතිබවද ඔහු චෝදනා කර ඇත.