මනව හිමිකම් උල්ලංඝණය සහ යුද අපරාධ සම්බන්ධයෙන් වන චෝදනා විමර්ෂණය කිරීම සදහා ජාත්‍යන්තරය විනිසුරුවන්ගෙන් සමන්විත (හයිබ්‍රිඩ්) යාන්ත්‍රණයක් පිහිටුවිය යුතු බව එක්සත් ජාතීන්ගේ මානව හිමිකම් කොමසාරිස් සෙයිද් රාද් අල් හුසෙන් මහතා පවසයි.
ශ්‍රී ලංකාව සම්බන්ධයෙන් වූ සිය වාචික වාර්තවා මානව හිමිකම් කවුන්සිලයේ 32 වැනි සැසිවාරයට ඉදිරිපත් කරමින් ඔහු මේ බව පැවසීයැයි විදෙස් මාධ්‍ය වාර්තා කරයි.
අදාළ චෝදනා සම්බන්ධයෙන් විමර්ෂණය කර චූදිතයන්ට දඩුවම් දිය යුතු බවත්, අදාළ සාක්ෂිකරුවන් ආරක්ෂා කිරීමට යාන්ත්‍රණයක් නිර්මාණය කළ යුතු බවද ඔහු අවධාරණය කර ඇත.
එමෙන් ශ්‍රී ලංකාව පුරාම ස්ථානගත කර ඇති හමුදා භට පිරිස් අවම කරන ලෙසත්, උතුරු පළාතේ හමුදාව මගින් ක්‍රියාත්මක කරන ව්‍යාපාරික, සංචාරක සහ වගා කටයුතුවලට අදාල ව්‍යාපෘති නතර කරන ලෙසත් එම වාර්තාවෙන් ප්‍රකාශකර තිබේ.
නව ආණ්ඩුක්‍රම ව්‍යවස්ථාවක් සකස් කිරීමට රජය ගෙන ඇති ක්‍රියාමාර්ගය පැසසුමට ලක්කර ඇති මානව හිමිකම් මහකොමසාරිස්වරයා එය සම්මත කරගැනීම සඳහා ජනමත විචාරණයක් ලබන වසරේ පැවැත්විය යුතු බවට ද නිර්දේශ කර තිබේ.