රුසියාවේ හිටපු ශ්‍රී ලංකා තානාපති උදයංග වීරතුංග මහතා හිටපු ජනාධිපති මහින්ද රාජපක්ෂ මහතාව තායිලන්තයේදී හමුවීම සහ ඔහුට එල්ල වූ චෝදනා සම්බන්ධයෙන් අද (29දා) මාධ්‍ය වෙත නිවේදනයක් නිකුත් කර තිබේ.
හිටපු ජනාධිපතිවරයාව හමුවීමට ලැබුණු අවස්ථාව ගැන තමා ඉතා සතුටට පත්වන බවත් ලංකාවේ සිදුවන දරුණු දේශපාලන පළිගැනීම් නිසා තමන් දැන්ම ලංකාවට පැමිණීමට අදහසක් නොමැති බවත් හෙතෙම සදහන් කර සිටියි.
යහපාලන ආණ්ඩුව තමාට එල්ල කරන සියලු චෝදනා පට්ටපල් බොරු බවත් තමන් රුසියාවේ ශ්‍රී ලංකා තානාපති කාර්යාලයේ පණිවිඩකරුවෙක් ලෙස සේවය කළ නොයෙල් රණවීර මහතාගේ මරණයට සම්බන්ධ බවට සිදු කළ චෝදනා අසත්‍ය බව ඔප්පු වී ඇති බවත් පවසා සිටියි.
තවදුරටත් කරුණු දක්වමින් හෙතෙම සදහන් කර ඇත්තේ මෙම අසාධාරණ පළිගැනීම් පිළිබදව රුසියානු හා යුක්‍රේනියානු රජයන් නිරන්තරයෙන් දැණුවත් කිරීමට කටයුතු කරන බවයි.
එම මාධ්‍ය නිවේදනය පහත දැක්වේ
