පොලිස්පති තෝරාගැනීම සදහා ව්‍යවස්ථා සභාවට නම් යෝජනාවූ ජ්‍යෙෂ්ඨ නියෝජ්‍ය පොලිස්පති එස්.එම් වික්‍රමසිංහ මහතා පොලිස් සේවයෙන් අස්වීමට සූදානම් වන බව ආරංචි මාර්ග පවසනවා.
හිටපු පොලිස්පති එන්.කේ. ඉලංගකෝන් මහතා ධුරයෙන් විශ්‍රාමගත් පසු නව පොලිස්පතිවරයා පත් කරන තෙක් පොලිස්පති ධුරයේ වැඩ බැලුවේ ජ්‍යෙෂ්ඨ නියෝජ්‍ය පොලිස්පති එස්.එම් වික්‍රමසිංහ මහතායි. හිටපු ජනාධිපතිවරයාගේ මෙන්ම වත්මන් ජනාධිපතිවරයාගේත් ආරක්ෂාව භාරව කරන්නේද වික්‍රමසිංහ මහතායි.
පූජිත ජයසුන්දර මහතාගේ නම ව්‍යවස්ථාදායක සභාව විසින් ජනාධිපතිවරයා වෙත නිර්දේශ කිරීමෙන් අනතුරුව ඉමහත් කල කිරීමට හා කෝපයට පත්ව ඇති නියෝජ්‍ය පොලිස්පති වික්‍රමසිංහ මහතා එකෙණෙහිම ඔහුගේ ඉල්ලා අස්වීමේ ලිපිය පොලිස් දෙපාර්තමේන්තුව වෙතත් එහි පිටපත් ආරක්ෂක ලේකම්වරයාට හා ජනාධිපති සහ අගමැතිට යවා තිබේ.
‘මට වඩා ජූනියර් එවුන් යටතේ මම සර්විස් එකේ ඉන්නෑ’ යනුවෙන් වික්‍රමසිංහ මහතා මේ දිනවල තැන තැන පවසමින් යන බව වාර්තා වේ.