වත්තල ප්රාදේශීය සභාවේ නිලධාරීන් විසින් සිදු කරන ලද අකටයුත්තක් සම්බන්ධයෙන් පැමිණිලි කිරීම සඳහා මාධ්‍යවේදියෙකු සහ සිවිල් සංවිධාන ක්‍රියාකාරිකයෙකු වන තිලිණ අලහකෝන් අද අපරාධ පරීක්ෂණ දෙපාර්තමේන්තුව වෙත පැමිණියා.
ඔහු කියා සිටින්නේ තම පවුලට අයත් පාරම්පරික ඉඩමක් සම්බන්ධයෙන් ව්‍යාජ ඔප්පු ඇතුළු ලියකියවිලි රැසක් සැකසීමට වත්තල ප්රාදේශීය සභාවේ හිටපු සභාපති ත්‍යාගි අල්විස් සහ නිලධාරීන් රැසක් සම්බන්ධ වී ඇති බවයි.
එම ඉඩමට ඇතුළුවීම සඳහා පාරක් ලබාබැනීමට වසර ගණනක් තිස්සේ සටන් කරමින් සිටින අතර මෙම සිද්ධිය සිදුව තිබෙන බවයි ඔහු වැඩිදුරටත් කියා සිටියේ.
එබැවින්, මෙවැනි දූෂිත දේශපාලකයින් තවදුරටත් වත්තල ප්රාදේශීය සභාවට පත් නොවිය යුතු බවට සඳහන් කරමින්, මේ සියලු දෙනා සම්බන්ධයෙන් විමර්ශනයක් කරන ලෙස ඉල්ලා ඔහු විසින් ඊයේ (03) අපරාධ පරීක්ෂණ දෙපාර්තමේන්තුවට පැමිණිල්ලක් ගොනු කරනු ලැබූ අතර, එම අවස්ථාවේ එහි පැමිණි මාධ්‍යවේදීන් ඉදිරියේ ඔහු තම අදහස් පළ කළේ මේ අයුරින්.
සටහන-මන්දාකිණි