ලංකාව සහ ඇෆ්ගනිස්තානය අතර පැවැත්වෙන පළමු හා එකම ටෙස්ට් තරගයේ පළමු දිනය වන අද (02) සිය පළමු ඉනිම ක්‍රීඩා කළ ඇෆ්ගනිස්තානය සියලු දෙනා දැවී ලකුණු 198ක් ලබා ගත්තේ ය.
කාසියේ වාසිය දිනූ ශ්‍රී ලංකා නායක ධනන්ජය ද සිල්වාගේ ආරාධනයෙන් ඇෆ්ගනිස්තාන කණ්ඩායම පළමුව පන්දුවට පහර දීම සඳහා පිටියට පිවිසුණු නමුත් ඔවුන්ට විශාල ලකුණු පුවරුවක් නිර්මාණය කිරීමට නොහැකි විය.
රහ්මට් ශා ලකුණු 91ක් රැස් කළේ ඇෆ්ගනිස්තානය වෙනුවෙන් සාර්ථක ඉනිමක් ලබා දෙමිනි.
පන්දු යැවීමේ දී විශ්ව ප්‍රනාන්දු කඩුලු 04ක් දවා ගත්තේ ය.
අසිත ප්‍රනාන්දු හා ප්‍රභාත් ජයසූරිය ද කඩුලු 3 බැගින් දවා ගැනීමට සමත් විය.