A 9 මාර්ගයේ පනිච්චන්කුලම ප්‍රදේශයේදී සිදු වූ රිය අනතුරකින් පුද්ගලයින් තිදෙනෙකු මියගොස් තවත් 8දෙනෙකු තුවාල ලබා තිබේ.
අනතුරින් මියගොස් ඇත්තේ, අවුරුදු 38, 46, හා 58 යන වයස්වල පසුවන මුල්ලේරියාව, වැල්ලම්පිටිය හා යාපනය යන ප්‍රදේශවල පදිංචිකරුවන් පුද්ගලයින් තිදෙනෙකි.
අද අලුයම කොළඹ සිට යාපනය දෙසට ධාවනය වූ වෑන් රථයක්, නවතා තිබු ලොරි රථයක පිටුපස ගැටීමෙන් අනතුර සිදුව ඇති බව පොලීසිය පවසයි.
අනතුරුව එම ලොරි රථය ද ඉදිරියෙන් තිබූ තවත් ලොරි රථයක ගැටී ඇතැයි ද පොලීසිය කියයි.
අනතුර සම්බන්ධයෙන් වෑන් රථයේ රියැදුරු අත්අඩංගුවට ගෙන තිබේ.