මියන්මාරයේ මැතිවරණයෙන් ජයග්‍රහණය කරන ලද ප්‍රජාතන්ත්‍රවාදය සඳහා වූ ජාතික ලීගය, එම පක්ෂයේ නායකත්වය දරණ අවුසාන් සුචී මහත්මියව ජනාධිපති ධූරය සඳහා නම් කර නොමැති බව වාර්තා වේ.
ඒ සඳහා එම පක්ෂයෙන් ජනාධිපති ධූරය සඳහා දෙදෙනෙකුගේ නම් යෝජනා වී ඇත. ඒ අය නම් Htin Kyaw සහ Henry Van Thio වෙයි.
අවුසාන් සු කී මහත්මියගේ පක්ෂය වසර 15 කට පෙර මැතිවරණයෙන් ජයග්‍රහණය කළද ඇයට ජනාධිපති පදවිය දැරීමට නොහැකි වූයේ එරට පැවති අසීමිත බලතල ඇති හමුදා පාලනය ඇයගේ අවස්ථාව අවහිර කළ නිසාය.
හමුදා පාලනය යටතේ වසර 15 ක් දේශපාලන සිරකාරියක වශයෙන් නිවාස අඩස්සියේ සිටි ඇයට මෙවර ජනාධිපතිධූරයට පත්වීමට නොහැකිව ඇත්තේ එරට ව්‍යවස්ථාවයි. ඒ ඇයගේ පුතණුවන් මියන්මාර පුරවැසියෙකු නොවී බ්‍රිතාන්‍ය ජාතිකයෙකු වීම හේතුවෙනි.
ජනාධිපතිධූරය ඇය සතුව නොපැවතියද ප්‍රධානියා ලෙස ඇය කටයුතු කරන බව ඇය පැහැදිළිව ප්‍රකාශ කර ඇති අතර ජනාධිපතිධූරය සඳහා පත්වීමට වැඩි ඉඩක් ඇතැයි සැළකෙන Htin Kyaw අවුන් සාන් සූ කීගේ ඉතා සමීප මිතුරෙකි. ඔහු අවුසාන් සු කී ගේ උපදෙස් මත කටයුතු කරනු ඇතැයි විශ්වාස කෙරේ.