බොරැල්ල සර්පන්ටයින් මහල් නිවාස සංකීර්ණයේ ප්‍රජා ශාලාවක සිවිලිමේ සඟවා තිබූ රුපියල් ලක්ෂ 60 කට අධික වටිනා හොරොයින් මත්කුඩු තොගයක් පොලිස් විශේෂ කාර්ය බළකාය විසින් සොයා ගෙන තිබේ.
එම ස්ථානයේ තිබී හෙරොයින් මත්කුඩු ග්‍රෑම් 600 කට අධික ප්‍රමාණයක් පොලිස් බාරයට ගෙන ඇත.
පොලිස් විශේෂ කාර්යය බලකා සංවිධානාත්මක අපරාධ මර්දන ඒකකයට ලද තොරතුරක් අනුව වැටලීම සිදුකර ඇත.
මත්ද්‍රව්‍ය ජාවාරමේ යෙදෙන කිසියම් පුද්ගලයකු ප්‍රජා ශාලාවේ පිටත සිවිලිමේ මේවා සඟවා තබන්නට ඇතැයි පොලිසිය සැක කරයි.
වැඩිදුර විමර්ශන කටයුතු සඳහා මත් කුඩු තොගය බොරැල්ල පොලිසිය වෙත භාරදී ඇත.