කතරගම – යාල වනෝද්‍යානයේ ලිං තුන ප්‍රදේශයේදී ඊයේ(13)දින වන අලි පහරදීමකින් කාන්තාවක් මියගොස් තිබේ.
රුහුණු කතරගම මහ දේවාලයේ වාර්ෂික ඇසළ පෙරහැර මංගල්‍ය සඳහා පාද යාත්‍රාවේ යමින් සිටියදී කාන්තාවට වන අලියා පහරදී ඇති බව පොලිසිය පවසයි.
63 හැවිරිදි මියගිය කාන්තාව ඊච්චලම්පත්තුව – ත්‍රිකුණාමලය ප්‍රදේශයේ පදිංචිකරුවෙකි.
මෘත ශරීරය මේ වනවිට දෙබරවැව රෝහලේ මෘත ශරීරාගාරයේ තැන්පත් කර ඇති බවයි පොලිස් මාධ්‍ය කොට්ඨාසය වැඩිදුරටත් සඳහන් කරයි.