අන්තර් ආගමික සහජීවනය පිළිබද සොයා බැලීම සදහා පැමිණිමට නියමිතව සිටි ඇමරිකා එක්සත් ජනපද රාජ්‍ය නියෝජිතයන් පිරිසකට වීසා බලපත්‍ර නිකුත් කිරීම ඉන්දීය රජය විසින් අත්හිටුවා තිබෙනවා.
අන්තර් ආගමික නිදහස පිළිබද ඇමරිකානු කොමිසමේ නියෝජිතයන් මේලෙස ඉන්දියාවට පැමිණීමට ඇමරිකානු රාජ්‍ය දෙපාර්තමේන්තුව හරහා අයදුම් කර තිබෙන අතර වොෂින්ටනයේ ඉන්දීය තානාපති කාර්යාලය ඔවුන්ට වීසා නිකුත් කිරීම ප්‍රතික්ෂේප කර තිබෙනවා.
ඉන්දියානු ව්‍යවස්ථාවෙන් තහවුරු කර ඇති ආගමික අයිතීන් පිළිබද විදේශ රටක් විසින් ප්‍රශ්න නොකළ යුතු බවත්, ඉන්දීය පුරවැසියන් සතු අයිතීන් පිළිබඳ විනිශ්චයක් ලබාදීමට විදේශිකයන්ට අයිතියක් නොමැති බවත්, වොෂින්ටනයේ ඉන්දීය තානාපති කාර්යාලය අවධාරණය කර තිබෙනවා.