කොළඹ සහ තදාසන්න ප්‍රදේශ ආශ්‍රිතව ආරක්ෂාව සඳහා කැඳවා ඇති ආරක්ෂක හමුදා විසුරුවා හැරීම සම්බන්ධයෙන් මෙතෙක් අවසන් තීරණයක් ගෙන නොමැති බව ආරක්ෂක අමාත්‍යංශය සඳහන් කරයි.
හදිසි තත්ත්වයකදී ක්‍රියාකළ යුතු ආකාරය සම්බන්ධයෙන් පෙර පුහුණුවීමක් සඳහා කොළඹ සහ තදාසන්න ප්‍රදේශවල දැඩි ආරක්ෂාවක් යෙදවීමට හමුදාව සූදානම් කළ බව හමුදා මාධ්‍ය ප්‍රකාශක බ්‍රිගේඩියර් රවී හේරත් මහතා පවසයි.
දැනට කැඳවා ඇති ආරක්ෂක හමුදා ඊයේ (14)දින විසුරුවා හැරීම සඳහා මෙතෙක් අවසර ලබා දී නොමැති බව ද හෙතෙම කීය.
කොළඹ නගරයේ ස්ථාන කිහිපයක ආරක්ෂාව තර කිරීමට පසුගිය සිකුරාදා (මැයි 12) ආරක්ෂක අංශ විසින් පියවර ගනු ලැබ තිබිණි.