කුඹුරු යායකදී පහරකෑමකට ලක්වූ කාන්තාවක් සහ පුද්ගලයෙකු අතරින් පිරිමි පුද්ගලයා මියගොස් කාන්තාව බරපතළ තුවාල ලබා තිබේ.
මරණයට පත්වී ඇත්තේ 72 හැවිරිදි පුද්ගලයෙකු වන අතර තුවාල ලබා ඇත්තේ මියගිය පුද්ගලයාගේ 65 හැවිරිදි බිරිඳ ය.
කුඹුරු ඉඩම් ආරවුලක් හේතුවෙන් පුද්ගලයෙකු විසින් උදැල්ලකින් පහරදී මෙම ඝාතනය සිදුකර ඇති අතර පොලීසිය විසින් සැකකරුව අත්අඩංගුවට ගෙන ඇත.
තුවාලකරුවන් දෙදෙනා රෝහල්ගත කිරීමෙන් අනතුරුව පිරිමි පුද්ගලයා මියගොස් තිබූ බව පොලීසිය සඳහන් කරයි.
කාන්තාව වැඩිදුර ප්‍රතිකාර සඳහා අනුරාධපුර මහ රෝහලට මාරුකර යවා තිබේ.
ගල්නෑව පොලිස් වසමේ හෙලබදුගම ප්‍රදේශයේ කුඹුරු යායකදී ඊයේ (19) සවස් කාලයේදී මෙම සිද්ධිය ඇතිවී තිබුණි.