සුඩානයේ Khartoum අගනුවර ගොඩනැගිල්ලක දැවැන්ත ගින්නක් වාර්තා වී තිබේ.
පවතින ගැටුම් මැද සටන් පාර්ශ්වයන් විසින් සටන් විරාමයක් ප්‍රකාශයට පත් කිරීමෙන් පැය කිහිපයකට පසු මෙම ගින්න හටගෙන තිබෙන බව විදෙස් මාධ්‍ය වාර්තා කරයි.
ගිනි අවි ගබඩාවකට එල්ල වූ ප්‍රහාරයකින් පසුව ගින්න පැතිර ගිය බව විදෙස් මාධ්‍ය වාර්තා කරයි.
ගිනි නිවන භටයින්ට පවා එම ස්ථානයට ළඟා විය නොහැකි වී ඇති බවද විදෙස් මාධ්‍ය පවසයි.
කෙසේවෙතත් ගින්නට ආසන්න ගොඩනැගිලිවල සිරවී සිටි පවුල් සියල්ල ඉවත් කර තිබෙන බවද විදෙස් මාධ්‍ය වාර්තාවල දැක්වෙයි.
සුඩාන හමුදාව සහ Rapid Support Forces (RSF) නමින් හැඳින්වෙන අවි ගත් කණ්ඩායම් දෙකම පැය 24ක මානුෂීය සටන් විරාමයකට එකඟ වූ නමුත් මිනිත්තු කිහිපයක් ඇතුළත සටන් විරාමය බිඳ වැටුණු බව විදෙස් මාධ්‍ය පවසයි.