මරදාන පොලිස් වසමේ පංචිකාවත්ත ප්‍රදේශයේදී අප්‍රේල් 9 වන දා පොලිස් කාර් රථයකට පහර දී කොටස් ගලවා ගිනි තබා අනර්ථය කිරීම සම්බන්ධයෙන් සැකකරුවන් තිදෙනෙකු අත්අඩංගුවට ගෙන තිබේ.
අත්අඩංගුවට ගත් සැකකරුවන් අවුරුදු 18, 31 හා 46 යන වයස්වල පසුවන මාලිගාවත්ත හා කොළඹ 12 ප්‍රදේශයේ පදිංචිකරුවෝ වෙති.
සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශය මගින් විමර්ශනයක් සිදු කර මෙම අපරාධයට සම්බන්ධ සැකකරුවන් තිදෙනො ඊයේ (19) දින අත්අඩංගුවට ගෙන ඇත.
සැකකරුවන් අද (20) දින මාලිගාකන්ද මහේස්ත්‍රාත් අධිකරණය වෙත ඉදිරිපත් කිරීමට නියමිත ය.
සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශය මගින් වැඩිදුර විමර්ශන සිදු කරනු ලබයි.