විදෙස්ගත ශ්‍රමිකයන්ට ගුවන්තොටුපොළ තීරු බදු සහනය ඉහළට

විදෙස්ගත ශ්‍රමිකයන්ට ගුවන්තොටුපොළේදී ලබා දෙන තීරු බදු සහනය මැයි 01 වැනි දා සිට ක්‍රියාත්මක වන පරිදි ඉහළ දැමීමට තීරණය කර තිබේ.

කාණ්ඩ 5 ක් යටතේ මෙම සහනය ක්‍රියාත්මක බව කම්කරු හා විදේශ රැකියා අමාත්‍ය මනුෂ නානායක්කාර මහතා සඳහන් කරයි.

ඒ අනුව, ඩොලර් 2400 – 4799 මුදල් එවා ඇති ශ්‍රමිකයින්ට හිමිවන තීරු බදු සහනය ඩොලර් 600 කි.

ඩොලර් 4800 – 7199 මුදල් එවා ඇති ශ්‍රමිකයින්ට ඩොලර් 960ක අතිරේක තීරු බදු සහනයක් ලබාදීමට නියමිතය.

ඩොලර් 7200 – 11,999 මුදල් එවා ඇති ශ්‍රමිකයින්ට ඩොලර් 1440ක අතිරේක තීරු බදු සහනයක් ද

ඩොලර් 12,000 – 23,999 මුදල් එවා ඇති ශ්‍රමිකයින්ට ඩොලර් 2400ක අතිරේක තීරු බදු සහනයක් ද හිමි වනු ඇති.

ඩොලර් 24,000ක් හෝ ඊට වඩා වැඩි මුදලක් එවා ඇති ශ්‍රමිකයින්ට ඩොලර් 4800ක අතිරේක තීරු බදු සහනයක් ලබා ගැනීමට හැකියාව පවතින බව අමාත්‍ය මනුෂ නානායක්කාර මහතා පවසයි.