මිනිස් ජාවාරම වැලැක්වීම සදහා ශ්‍රී ලංකා විදේශ සේවා කාර්යාංශ නීති දැඩි කරමින් කාර්යාංශ පනතට නව සංශෝධන එක් කිරීමට කටයුතු කරමින් සිටින බවත්, ඒ සඳහා තැනැත්තන් වෙළදාමට එරෙහි ජාතික කාර්යසාධක බලකායේ නීරීක්ෂණ ගැනීම ආරම්භ කර ඇති බවත් ශ්‍රී ලංකා විදේශ සේවා නියුක්ති කාර්යංශය පවසයි.
ශ්‍රී ලාංකිකයන් මිනිස් ජාවාරම්කරුවන්ගේ ආරක්‍ෂා කිරීමේ සහ මිනිස් වෙළෙදාම වැලැක්වීමේ උපක්‍රමයක් ලෙස රැකියා සඳහා විදේශගත ශ්‍රී ලාංකිකයන්ගේ ජෛවමිතික තොරතුරු ඩිජිටල්කරණ ක්‍රියාවලියකින් දත්ත පද්ධතියක ගබඩා කිරීමේ වැඩසටහනක් ද ආරම්භ කළ බවයි එම කාර්යංශය පවසන්නේ.
ඒ අනුව පුද්ගලයන්ගේ ශරීර අංග සහ ලක්‍ෂණ නවීණ තාක්‍ෂණය හරහා දත්ත පද්ධතියක ගබඩා කරන බවත් ඇස්, ඇඟිලි සලකුණු සහ වෙනත් ශරීර ලක්‍ෂණ ලබාගන්නා බවත් එම කාර්යංශය පවසයි.